Gobierno Vasco

 

 Kudeaketa akademikoa internetez


                  -SARTU


EGITARAUA:

Harrera eta informazio orokorra.
Taldeka instalazioak eta Hezkuntza proiektuaren ezaugarriak ezagutu.
Jardunaldiaren iraupena gutxienez bi ordutakoa izango da eta ez da zaintza zerbitzurik antolatuko.

Haur Hezkuntzako 2 urteko informazio orokorraren aurkezpena urtarrilaren 26an egingo da Duranan, urtarrilaren 28an 20 minutuko iraupenaren bisita gidatua egingo dugu instalazioak ezagutzeko.

 

2012ko Urrezko Zeledoia, Javier Sedano, gure Lehen Hezkuntzako 4. mailako ikasleekin egon da

2013-10-08

Urriaren 1ean, 4. mailakoek bisita berezi bat izan genuen; aurten izendatutako “Celedón de Oro”, Javier Sedano, ikastolara hurbildu zen. Azken berrogeita hamar urte hauetan “mus txapelketak” antolatzeagatik eman zioten saria.

Musari buruz hitz egin zuen eta umeek hainbat galdera egin zioten. Saria ikusteko aukera ere izan genuen. Oso esperientzia interesgarria izan zen eta denek primeran pasatu genuen.

ZAINTZA-GELA

2013-10-07

Gogoratu nahi dizuegu ikastolan badagoela “Zaintza-gela” delako zerbitzua pasa den ikasturtearen amaieratik. Dakizuenez, zerbitzu honen  helburua familia-kontziliazioa da, beste era batean haien lan-ordutegia eta ikastolakoa batu ezin duten gurasoei zuzenduta.

Hauek dira zaintza-gelaren baldintzak:

•       Gurasoek beraiek antolatu eta kudeatzen dute.
•       Ikastolak utzitako gela batean dago.
•   Gela horretan, kontrataturiko monitoreek zaintzen dituzte umeak.
•       Ordutegia: goizeko 07:45etik 08:55era.
•       Gurasoek eraman behar dute umea ikastolara.
•   Prezioa: Gurasoek ordaintzen dute, ume- eta monitore-kopuruaren arabera.

-    Hilabeteko kuota finkoa: 37 € (gaur egungo demanda dela eta, ikasturtearen azken hilabetean erregulatuko da)
-    Eguneko Kuota: 3 € (Hilabete bakoitzeko 5 eguneko maximoarekin)


Datorren ikasturteari begira, zerbitzu honetan interesaturik zaudetenoi eskertuko genizueke gurekin harremanetan jartzea telefono honetan:
655 73 51 52 (SILVIA)



Agur bero bat,    

Batzordea

2013-10-03

Euskara batzordearen informazioa:

•    Nortzuek osatzen dute?

Estamentu guztiek hartzen dute parte: irakasleok, ikasleak, gurasoak. Teknikaria azken urteetan bezala Bego Díez izango da.

•    Zein da batzordearen helburu nagusia?

    Ikastetxeko giro euskalduna bultzatzea eta euskararen presentzia areagotzea.

•    Zeintzuk izango dira aurtengo erronka nagusiak?

1.    Hurrengo 4 ikasturteetarako proiektua berritu behar da eta hori izango da ikasturte honetako erronka nagusia: gure beharrei egokituriko proiektua prestatzea.
Proiektuaren abiapuntua gure egoera linguistikoaren diagnosia gaurkotzea izango da, horretan oinarrituta hartu beharreko norabideak  planifikatuko  baitira.
Diagnosi berria egiteko familien  laguntza behar-beharrezkoa  izango da galdetegi baten bidez jasoko baitira familien hizkuntza-ohiturak. Hori dela eta, oso garrantzitsua izango da galdetegiak etxeetan jasotzen direnean erantzutea eta guri helaraztea. Ahalik eta erantzun gehien jasotzea da gure helburua.
Bestetik, proiektu berria garatzeko orduan, gurasoen iradokizunak, ideiak, kezkak … ezagutzea inportantea izango da guretzat eta horien berri izateko bitartekoak zabaldu nahi ditugu.

2.    Ikasleekin motibazioa lantzea eta gela barruan zein gelatik kanpo erabilera areagotzeko hainbat ekintza antolatzea.
Beste ikasturteetan bezala ekintza batzuk puntualak izango dira maila desberdinetara egokituak; Horiekin gure helburua da euskara giro akademikotik ateratzea era ludikoagoan eta kolokialagoan ikus dezaten:  hitzaldiak, erakusketak, bertso tailerrak, filmak, irteerak….

Ikasturte honetako erronka berria izango da irakasle guztiak inplikatzea proiektu komun batean. Hiru ardatz izango dugu:

•    Tutoretzetan euskararekiko jarrera positiboa / motibazioa landu, horrek  erabileran eragina izango duelakoan.
 
•    Ikasle/irakasleen arteko elkarrizketa elebidunak saihesteko estrategiak adostu. Gero eta gehiago ematen dira halako egoerak (irakaslea euskaraz eta ikaslea gaztelaniaz) eta horri aurre egiteko era bateratua izatea garrantzitsua iruditzen zaigu.
 
•   Gela barruan ikasgai guztietan ahozko jardunari tartea ematen zaiola bermatu, eta guztion artean erabakitako jarduerak   curriculumean txertatu:

3.   Gurasoek kontuan har dezaten familiek euskararekiko duten  jarrera oso inportantea dela.

•    Gurasoak zer egin dezaketen etxean gogorarazteko oso aholku interesgarriak jarriko ditugu web orrian. Animatzen zaituztegu horiek irakurtzera eta praktikan jartzera.

•    Urtero bezala, udalak Gurasolaguna kanpaina martxan jarriko du. Jakingo duzuenez, euskara ikasten ari diren aita-amei zuzenduriko programa da norekin praktikatu eta aldi berean ongi pasatu izan dezazuen. Interesaturik baldin bazaudete, web orrian aurkituko duzue horren inguruko informazioa edo gurekin jar zaitezkete kontaktuan korreoaren edo ikastolako telefonoaren bidez.

•    Bide batez, gure eskura dagoen informazio guztia (ikastaroak, hitzaldiak, aldizkariak…) web orriaren bidez ere helaraziko dizuegu.

•    Nola emango dugu ezagutzera batzorde honek planifikatu dituen  ekintzak?

        Beste ikasturte batzuetan fotokopien bidez banatu dugu kurtso hasierako guraso bileretan, baina ordenagailuen aroan ez dugu uste erarik aproposena denik. Hori dela eta, ikastetxeko web orrian jarriko dugu interesa duen edonor hara hurbil dadin. Gonbidatzen zaituztegu. Beraz, gonbidatzen zaituztegu  hara hurbiltzera.

•     Nola jarri kontaktuan gurekin zuen ekarpenak egiteko?

-Hauxe da gure korreoaren helbidea: euskaraikasbidean@gmail.com

-Ikastolako telefonoa:             945 299 517

-Ikastolako web orria:            www.ikasbidea.net

Denok gara garrantzitsuak, beraz, animatu zaitezte gurekin elkarlanean aritzera.
            

          

EUSKARA BATZORDEA
Begoña Díez Martínez

 

 

Iturribero Mendi Taldea - Urriak 6

2013-10-02

Ohar honen bidez gogorarazi nahi dizuegu 2013-14 denboraldiko egutegi berriaren arabera aste honetako igandean, urriak 6, Toloño mendizerran dagoen Eskamelo mendira hurbilduko garela.

                                                                                                                                                                              

Informazio gehiago Iturribero Mendi Taldearen web orrian.

Gurasolaguna 2013-14

2013-09-29

Kaixo lagun!

Zuregana jotzen dugu Gurasolaguna egitasmoaren berri emateko. Euskarazko mintzapraktika lantzen duen Gasteizko Mintzalaguneko egitasmoa da. Ikastetxe berdineko gurasoak talde txikietan elkartzen dira, astean behin, ordubetez euskaraz hitz egiteko.
www.gasteizkomintzalaguna.com atarian informazio guztia topatuko duzu!

Gurasolagunean parte hartzeko bi modu dituzu:

  •     Ikastetxean bertan aurkituko dituzun eskuorriak bete. Urriaren 21 -baino lehen.
  •     Matrikula fitxa internet bidez bete.


Matrikula betetzearekin batera 15 euroko ordainketa egin behar da (urteko kuota).

Atxikita: Gurasolaguna izateagatik euskal hedabideetan izango dituzun abantailak + 2013/2014 ikasturteko kartela.



"Supermintzalaguna", egitasmoa iragartzeko bideoa: ikusi

© IKASBIDEA IKASTOLA IPI
Telefonoa: 945187146 | Fax: 945187160 | 010012aa@hezkuntza.net zuzendaritza@ikasbidea.net