Gobierno Vasco

 

 Kudeaketa akademikoa internetez


                  -SARTU


Jacinto Azkarate Basabe, Iturribero Mendi Taldeko lehenengo presidentearen heriotza

3-12-2012

Nahiko tristea eta mingarria da niretzat mezu hau idaztea. Larunbatean 2012ko abenduaren 1ean zendu zen Jacinto Azkarate Basabe, Iturribero Mendi Taldeko lehenengo presidentea. Ikastolaren hastapenetan, Gurasoen elkartea sortu gabe izanik, jadanik ama eta aita talde bat, lehenengo bultzailtzaileak, mendira joaten hasi zen. Talde hau gaztetasunaren ezinegonaz beterik gure ikastolako neska eta mutilekin mendira joaten hasi zen igandez-igande. Zenbait urte geroago lehen talde horren lorratzari jarraitzen diogu.

Eskerrik asko Jacinto Azkarate


Leonardo trejo

Iturribero Mendi Taldeko Presidentea

 

Oharra: Jacinto Azkarate Basaberen aldeko hileta-elizkizuna, 2012ko abenduaren 3an, izango da, Gasteizen, Bastiturri kaleko Los Ángeles elizan, iluntzeko 19:00etan.

www.iturribero.org

Iturribero Mendi Taldea: Abenduak 2

2012-11-28

Ohar honen bidez gogorarazi nahi dizuegu 2012-13 denboraldiko egutegiaren arabera aste honetako igandean, abenduak 2, Delika urjauzitik gertu dagoen Santiagomendi mendizerrako 943 metroko ARANDO mendira hurbilduko garela.
                                                                                                                                                                            

Informazio gehiago Iturribero Mendi Taldearen web orrian

Iturribero Mendi Taldea: Azaroak 25

2012-11-21

Ohar honen bidez gogorarazi nahi dizuegu 2012-13 denboraldiko egutegiaren arabera aste honetako igandean, azaroak 25, Gasteizko mendizerrako 1177 metroko KAPILDUI mendira hurbilduko garela.
                                                                                                                                                                          

Informazio gehiago Iturribero Mendi Taldearen web orrian

Iturribero Mendi Taldea : Azaroak 18

2012-10-13

Ohar honen bidez gogorarazi nahi dizuegu 2012-13 denboraldiko egutegiaren arabera aste honetako igandean, azaroak 18, Opakua mendatea-Arrigorrista-Sta. Elena-Onraita aldera hurbilduko garela.
                                                                                                                                                                            

Informazio gehiago Iturribero Mendi Taldearen web orrian.

FAMILIEKIKO HARTU-EMANAK E-POSTA BIDEZ GAUZATZEA

2012-10-12

     Azken ikasturteotan Ikasbidea Ikastola IPI “IKT Ikastetxe Eredu” proiektuan murgilduta dago. Egitasmo honek hainbat xede ditu, besteak beste,  ikastola eta familien artean komunikatzeko teknologia berriak bultzatzea. Egun, internet maiz erabiltzen dugu eta bereziki e-posta zerbitzua.
Jarraian doakizuen proposamenarekin bat egin du Ikasbidea Ikastola IPIko Ordezkaritza Organo  Gorena-k (OOG).

E-posta erabileraren abantailak honako hauek dira:
   

-Azkartasuna: mezuak istant batean bidali eta jaso egiten dira.
-Ekologikoa: paperaren kontsumoa gutxituko da nabarmenki.
-Ekonomikoa: gaur egun, e-posta erabiltzea merkea da.
-Erosotasuna: mezuak ikastolatik edo ikastolatik kanpo bidal eta jaso daitezke, interneti lotutako konexioa besterik ez da behar.
-Jarraipena: bidalitako edo jasotako mezuak gorde  daitezke; beraz, informazioaren jarraipen zehatza edozein unetan kontsulta daiteke.
-Ziurtasuna: informazioa behar den tokira helduko dela ziurta daiteke.

     Ondoren, e-posta bidez ikastolatik bidaltzen dugun informazioa jasotzeko aukera eskaini nahi dizuegu eta ikasturtean zehar abian jartzeko asmoa dugu.
   Ikastetxeko informazioa jaso nahi baldin baduzue hemendik aurrera e-postaz, bete ezazue helbide honetan dagoen galdetegia: www.ikasbidea.hezkuntza.net/web/guest/encuesta abenduaren 21erako.

     E-posta helbide hauek IGEk erabili ahal izango ditu beraien informazioa zuei helarazteko.

*OHARRA: Galdetegia bete ezean, informazioa paperez helaraziko zaizue.
    

© IKASBIDEA IKASTOLA IPI
Telefonoa: 945299517 | Fax: 945299648 | 010012aa@hezkuntza.net zuzendaritza@ikasbidea.net