Gobierno Vasco

 

 Kudeaketa akademikoa internetez


                  -SARTU


Ezin da edukirik erakutzi beste istantzian paginazioa erabiltzen badago

UNIBERTSITATEAN SARTZEKO EBALUAZIOA gaindituta: ZORIONAK!!!!

2018_06_21

Unibertsitatean sartzeko Ebaluazio-Froga (USE) egitera joan diren Institutuko ikasle guztiek gainditu dute.
ZORIONAK eta ZORTE ONA izan hemendik aurrera.


 

EBALUAZIO DIAGNOSTIKOARI BURUZKO HAUSNARKETAK

2013-03-14

Aurten, 4.mailako gure ikasleek egin beharreko oinarrizko konpetentzien Ebaluazio Diagnostikorako proben aurrean, Ikasbidea ikastolako HH eta LMHko klaustroak hurrengo hausnarketa egin beharrean dago:

•2010eko abenduaren 27an Hezkuntza Sailburuordeak emandako ebazpenaren arabera, Ebaluazio Diagnostikoa ikastetxeari bere eginbeharrean lagunduko dion prozesutzat ulertua izan behar da. Prozesu honetatik eratorritako datuak zorrotzak eta fidagarriak izango direnez, ikastetxe bakoitza eta,  ondorioz,   hezkuntza sistema osoa, hobetzeko baliogarriak izango dira.

•Aurten, berrikuntza batekin datorkigu Ebaluazio Diagnostikoa: 4.mailetan burutu behar diren froga hauek  ESKOLA 2.0ko ordenagailu eramangarrien bidez egingo dira. ESKOLA 2.0ko ordenagailuak Euskadiko Erkidego  Autonomoan 5. eta 6. mailetako ikasleentzat soilik banatu dira. Beraz, 4.mailako ikasleek ez dituzte eramangarri hauek ezagutzen. Ebaluazio Diagnostiko froga bat egiteko ezin ditugu gure ikasleak trebatu hilabeteko epean, eguneroko zereginak alde batera utziaz. Kontuan izan da gainera, 5. eta 6. mailetako ikasleek eguneroko lanerako behar-beharrezkoak dituztela beraien ordenagailuak.

•Aipatutakoaren arabera, sinestuta gaude Ebaluazio Diagnostikoan islatuko diren emaitzak ez direla ez zorrotzak ezta fidagarriak ere izango, ikasleentzat ezezagunak diren ordenagailuen erabilerak baldintzatuko baititu emaitza horiek. Proba hauen helburua ikasleek arlo ezberdinetan lortutako konpetentzia maila neurtzea  izanik, ezin dugu horretarako erabiliko den tresna oztopo bihurtu.

•Hala ere, proba hau funts publikoekin finantzatutako Euskadiko ikastetxe guztietan derrigorrezkoa denez, Ikasbidea ikastola IPI, nahiz eta aurten egindako aldaketekin ados ez egon, gure ikasleria lasaitzen saiatuko da, ordenagailuen erabilerari garrantzia txikiagotuz  eta guztiaren gainetik beraien benetako gaitasunak hobetsiz.

KORRIKA TXIKIA 2013

2013-03-13

Karmelo Muñoa Bengoa

ZUZENDARIA

IRAKASKUNTZAN MURRIZKETEKIN JARRAITZEN DUGU / NAHIKOA DA!

2013-03-11

...Gure Ikastolako familiei bidalitako oharra (2013-03-08)

 

Murrizketak ez dira atzo goizekoak. Azken bost urte hauetan hezkuntzari orokorrean murrizketak atxiki zaizkio eta bertako langileagoari zer esanik ez.  Baina, azkeneko 3 urte hauetan areagotu egin dira murrizketak arlo guztietan, eta euren artean lotsagarrienetakoa ikasleek  irakasleen gaixoaldietan eta dagozkien baimen aldietan pairatzen dutena da. Gurasook honen berri jakin behar duzue:

Irakasle bat gaixotzen denean ez dago ordezkorik utzi dituen ikasleak bideratzeko. Lehen Hezkuntzako ikasleak irakaslerik gabe, hau da, tutore eta espezialistarik gabe, gelditzen dira bosgarren  egun arte. Ingeleseko espezialisten kasuan, berriz, laugarren egunean ordezkatzen dira.Aipatu behar da ere, Haur Hezkuntzan, tutoreak bigarren egunean ordezkatzen direla. Bigarren hezkuntzan berriaz, ez dute ordezkorik bidaltzen 6. egun arte.

Egun horietan, bakarrik gelditu diren ikasleei kasu egiteko beste irakasle guztien dantza hasten da. Egunero 5 irakasle desberdin pasa daitezke umezurtzen gela horretatik, zure seme-alaba egon daitekeen gelatik, eta maila bereko aldameneko irakaslea, bere ikasleak utzi eta, une oro, ordu guztietan, jardueraren berri ematera pasatzen da irakaslerik gabeko gelara. Egoera jasan ezina da.

Zuen seme-alabak hor tartean daude eta irakasleriak, nahiz eta ahaleginak egin, ezin du era honetako arazoa konpondu, arazoa estali baizik. Bost egunetako galera ez da tontakeria bat. Egoera hau larriago bihurtzen da pertsona bat baino gehiago bajan edo baimenarekin dagoen unean eta ikasleriarekin egoteko nahikorik ez dagoenean.

HAU BENETAKO MURRIZKETA BAT DA, NOSKI!
    

Ezin dugu jarraitu geure kalterako den HEZKUNTZA-IRUZURRA estaltzen, ezer gertatuko ez balitz  bezala. Baja hartzen duen lankidearen ikastorduak beste irakasleok bideratzen baditugu arazo larri bat estaltzen ari gara ikasle horien gurasoen eta gizartearen aurrean. Hau ezkutuko iruzurra da eta ez du kalitatearekin zer ikusirik.Irakasleok ez dugu era honetako murrizketetan eta bestelakoetan parte hartuko gezurra eta iruzurra estaliaz.

Beraz, zera eskatzen dugu:

IRAKASLERIAREN BAJAK HURRENGO EGUNETIK ORDEZKATUAK IZAN DAITEZELA.

Beraz jakinarazten dizuegu egoera horren pean dauden zeuen seme-alaben zaintza soilik berma dezakegula.
Idazki honen bitartez egoera honen larritasunez jabetu izan zaitezten nahi dugu, zeuen seme-alabengan eragin zuzena du eta. Bide batez geure aldarrikapenarekin bat egingo duzuela eta dagokion tokian zeuen desadostasuna azalduko duzuelakoan,

IKASBIDEA IKASTOLA IPIko IRAKASLEAK

Iturribero Mendi Taldea - Martxoak 17

2013-03-11

Ohar honen bidez gogorarazi nahi dizuegu 2012-13 denboraldiko egutegiaren arabera aste honetako igandean, martxoak 17, Alda-CRUZ ALDA-TXINTXULARRI-Alda ibilaldi zirkularra ibiliko garela.

                                                                                                                                                                               

Informazio gehiago Iturribero Mendi Taldearen web orrian.

Ikasbidea Erroman

     Inauterietako jaiegunak aprobetxatuz, otsailaren 18tik 23ra, Batxilergoko 2 mailako Artearen Historia eta Latina ikasten dugun  hamabost  ikasleok  Erroma hiria bisitatu dugu  oso bidaia atsegin eta interesgarria eginda. Gure Arte eta Latin irakasleekin joan gara eta  guztiontzat oso esperientzia ezberdin eta aberasgarria  izan da.
     Erromako kultura  in situ  ezagutzeaz gain  (Zirkoa, Foroa, Colosseo, Panteoia...), kristauen kataconbak ,  Vatikanoko Basilika eta Plaza, Errenazimendu  eta  Barroko arte-estiloko eliza, jauregi  eta ur-iturri asko ikusi ditugu. Bidenabar, aukera ezin hobea izan dugu Europako hiririk artistikoenetariko batetik paseatzeko (oinez, zein autobusez, zein metroz!!)

     Hona hemen bidaiaren hainbat irudi.
                    

Arrivederci, Roma!    

 

 

 

© IKASBIDEA IKASTOLA IPI
Telefonoa: 945299517 | Fax: 945299648 | 010012aa@hezkuntza.net zuzendaritza@ikasbidea.net